الحكم السعودي ثبته عبدالعزيز

الحكم السعودي


والله أنّي جيت مانـي بمحـدودي
ماخذك من زاوية .. طبّ وتخيّـر
لين خوفي من مساميـر الكبـودي
ردني لأجيك ضيف !! ولا مسيّـر
والغلا زاد وتعـدا بـي حـدودي
وأنت ما ترحم كبيرك .. يا صغيّر
لا رحم جدّك تقول انّـك يهـودي
ما تقول أنّك بري وإنسـان خيّـر
يا بري حالي عليك !! ويا وجودي
أحسب أنّك في يدي شيـكٍ مجيّـر
لين جيت ورحت ما شدّن عضودي
من حبالك لا طويل .. ولا قصيّـر
والحسود أن عـاد وإلا لايعـودي
جعل ماله فوق وجه الأرض ديّـر
كل مـا يقتادنـي للمـوت قـودي
ما ذكرت الا أنت !! يالريم المذيّر
يا أنتعاشي في الحياه .. ويا وقودي
دلّني لا صـرت بالـراي متحيّـر
لو تذعذع بك رياحيني .. و نودي
النصيب أن ماتسيّـر .. ماتسيّـر
لا يهمك لا عذول !! ولاحسـودي
هـد روعـك ياحبيبـي لا تطيّـر
أنت حبّك كنّه ( الحكم السعودي )
ثبّتـه ( عبدالعزيـز ) ولاتغـيّـر

تــــــــــــ ح يــــــــــــاتـــــــــــي

هــــــــــلالـــــــــي
يعطيك العافيه
على المرور

تـــــــــــــــ ح يـــــــــــــــاتــــــــــــي

الله يعطيك العافيه على القصيده

تقبلي مروري