مرحبااااااااااااااا لاحلى اعضاء
كيفكم ان شاء الله تمااام
انا كتبت هذا الموضوع من الزهق من اول اهجول في المنتديات ماخليت موقع الا دخلته تذكرت سالفه حبيت اسدحها
تعرفون لما يكون باقي يوم وتسافرون اكيد مارح يجيكم النوم بتسهرون
انا نفس الحاله ماجاني نوم ولا نمت وقاعده ارتب شنطتي
واجيب ملابس الدولاب كلها واسدحها في الشنطه
اليوم الثاني اقصد نفس اليوم الساعه 7 لقيت الملابس مركونه في الزاويه وانا اسأل ساعه من اللي طلعها
اتري انها امي ماغيرها !!
المهم رحنا المطار وانا مزاجي زفت×زفت ومااطيق نسمة الهوى يعني اللي يبي يسوي معي مشكله انا جاهزه (^_^)
المهم وحنا في صالة الانتظار كان في شلة طرطنقيين بنات و شباب مسوين حلقه في الارض واشكالهم طالعه غبيه
المهم ركبنا الطياره وكل شي تمام بس انا موب تمام
انا واختي جلسنا جنب بعض انا عند الدريشه واختي جنبي
واثنين من الطرطنقيين جلسو ورانا
واثنين رجال جلسو قدامنا
على الفكره على كبر اجسامهم مع ذالك عقلهم صغييير
الطيارة طارت وانا منتهيه ابي انام مواصله مانمت 
الا ويجيني ذاك الترفيس اللي موب صاحي
اتري اللي وراي يستهبل ويرفس الكرسي انا قلت يمكن عنده خلل في مخه
الا يجيك الثاني اللي قدامي يرجع الكرسي لورى شو ي وبينام على رجلي
انا رحت في اومهاا > هذا تعبير عن الزعل *_*
الا واللي وراي يرجع ويرفس الكرس انا مدري وش قصته (يمكن محطوط على الهزاز) معذووور
مايبي يهجد وربي لو ان اخوي موب موجود كان قلت للرجال ماتعرف تهجد وتجلس مثل الاوادم
المهم الرجال اللي قدامي راح الحمام (وانتم في كرامه)
وانا اخذتها فرصه وهاتك ترفيس للكرسي اللي قدامي الى مارجع بمستوى اللي جنبه والرجال يطالع المهم انا ماهمني يطالع ولا ان شاءالله تطلع عيونه اهم شي راحتي (يابعدي انا )
الرجال رجع الا ويشوف الكرسي رجع بمستوى اللي جنبه وطالعني شكله عرف لان الشغله صارت عناد راح ورجع الكرسي مره ثانيه لورى واكثر من الاول انا هالمره انفجرت
خلاص النوم طار مني وانا في نفسي اقول وربي لاطير عقله مثل ماطير نومي
دام انه يعاند خلني بعد اعاند وش ناقصنا الحمد لله
صرت ارفس كرسيه والرجال كل شوي يسأسأ ودي بالجزمه في فمه
واللي وراي يرفس الكرسي المشكله مافي شي اقدراسويله لانه وراي
وهكذا خلصت قصة عنادي
صحيح القصه هبله بس الطفش وعمايله هههههههههه
عندي سالفه ثانيه صدق احراااااااااااااااااج ماله حدود بحطها هنا لان مالي خلق افتح موضوع جديد
هذي القصه صارتلي في سكي دبي
مره من مراريت انا واخواني رحنا السكي وانا لبست بنطلون طيحني ياكرهي لهاالاسم افضل لو وست (^_^)
المهم البنطلون كان واسع علي بس انا اول ماشريته ماجربته لاني خلاص عارفه مقاسي و مايحتاج اجرب
المهم لبسته ولبست العبايه
ورحنا دخلنا السكي وهم من عندهم يعطونك بالطو وجزمه وشراب ومن هالخرابيط المهم
على الفكره البالطو يغني عن العبايه لانه طويييييل يوصل فوق الكعب بشويتين
بس الحمد لله اني كنت لابسه العبايه
وحنا هناك الا البنطلون كل شوي يطيح وانا ارفع
المهم مع المشي واللعب ماشاءالله ع البنطلون ماقصر خذ طريق الى ماوصل تحت ركبتي
وانا مستحيه وربي منحرجه مرررررررررررررررره وكل شوي اقول يالله سترك يارب اعمي عيون الناس لو شاف الناس
البنطلون واصل تحت العبايه الناس وش بيقولون تخيلو هالموقف *_*
رحت افتح رجلي عشان البنطلون يمسك ومايطيح اكثر رحت امشي طريقة مشيتي تقل وحده تبي تروح الحمام
ههههههههههههه
دخلت المتاهه وامشي بسرعه لان مافي ناس
واروح عند المريات وارفع العبايه والبالطو واخيرا رفعت البنطلون الا يجوني ذولاك الصينيين مدري فلبيين المهم من
اللي عيونهم مسحبه
ومعهم بزرانهم وكاميرتهم يبون يتصورون عند المرايا
انا على طول نزلت العبايه وكل شي ورحت اصرفها كاني ابعد الغبره من عبايتي خخخخخخخخخخخخخ
5 دقايق نتعازم من اللي بيروح هم يبوني اروح وانا ابيهم ينقلعون ابي البس
المهم شفت انهم مافيهم خير قلت خلني اطلع
وانا امشي في المتاهه كملت ارفع البنطلون
يـــــــاحـــــــــلـــــــيـــــــلـــــــــي
شو رايكم بالسواليف حق اخر الليل اقصد سواليف الساعه 05:04 بتوقيت جهازي
يلا باايز بروح انام ابرك لي
07-09-2008, 05:06 AM
مواقفي يوم سافرت (^_^)
العرض العادي
