حب يبدأ غريب وينتهي في غرابه...بقلمي قولولي رايكم فيها

جبت لكم قصة كتبتها بقلمي كنت فاضي وكتبتها قلت يمكن انافس وليم شكسبير

وعلى فكره I amمدمن روايات

اول شي بقولكم لا تبخلوا علي بردودكم ورايكم

عنوان القصة: حب يبدأ غريب وينتهي في غرابه

.................................................. .................................................. ...............................

حب يغيب وصاحبه ما بعد غاب
وحب يدوم وصاحبه في غيابه
وحب يذوب خافقً ما بعد ذاب
وحب يداوي صاحبه من عذابه
وحب حياته كلها لوم وعتاب
وحب حقيقي ما يضرك عتابه
وحب بلا معنى وحب بلاأسباب
يبدأ غريب وينتهي في غرابه

بطلت القصة جود وهي بنت جميلة بريئة عمرها 15 سنة ابوها رجل اعمال كبير معروف في السعودية وامها سورية وعندها 3 اخوان اولاد جود بنوته مرحه ودمها خفيف ومحبوبه كتبر وحنان الكون كله في قلبها كان ابوها عندها بالدنيا كلها كانت ماتخبي شي عنه لكن كان بينها وبين امها حاجز كبير ماكانت تتكلم مع امها الا نادرا او بالصدف كانت فاقده حنان امها وعندها فراغ عاطفي كبير ومره من المرات ابوها كان بيسافر وياخد معاه اخوانها اللي هما حسام وبسام على فكرة جود اكبر وحده فاخوانها وحسام عمره 12سنه وبسام9سنوات المهم قرر ابو جود انه يسافر للرياض وياخد معاه الأولاد جود حزنت كتير لأنها بتفارق ابوها واخوانها وفي يوم الاربعاء بعد العشاء كانوا في المطار ودعت جود ابوها واخوانها ورجعت البيت كانت مره طفشانه فقررت انه تكلم صاحبتها غدي اتصلت عليها جود وقعدت تدردش معها شويه الا ام غدي تناديها وقفلت السماعة وجلست جود بين حطيان غرفتها تصارع الوحده والفراغ تفكر في حالها مع امه الين متى وهي تحس انها غريبة عن امها وقطع حبل افكارها صوت رن التلفون
جود: ايوه هلا
غدي: اهلين كيفك
جود:تمام انت كيفك
غدي :ماشي الحال يابت فاكره اللي كلمتك عنه اللي جنني ع الجوال كل شويه وهو متصل
جود:انت رديت عليه
غدي: ايوه رديت عليه قاعد يستهبل ويخفف دمه اسمعي انت معاك جوال امك
جود:ايوه معايه
غدي:خلاص انا حاعطيك الرقم وانت اتصلي عليه
جود:لا يشيخه انت صاحيه
غدي :ايش فيك عادي مو انت بتموتي طفش وابوك مو فيه يعني عادي
جود:لا ما اقدر
غدي :ليش بلا هبل يالا اتصلي خلينا نطير طفش يالا انادحين حقفل وارسلك الرقم يالا بااااااي
جود:باااااااااي
دقايق وجوال ام جود تيت تيت رسالة فتحتها جود ولقتها من غدي وهي الرقم عاد في هذه اللحظات الشيطان شاطر لعب براس جود وخلاها تتصل هي قبل ماتتصل ارسلت رسالة على دا الرقم على انها غلطانه كتبت في الرسالة ايوه نهى كيفك ايش اخبارك والله فاتك اليوم المغامرات في المدرسة انطردت من 3حصص وكتبت تعهد ووووووو لايفوتك بسرعة اتصلي ارسلت جود الرسالة وايدها تنتفض
وبعد تواني الا الجوال يدق
جود: ايوه هلا نهى
المتصل:............
جود:الوووووووووووو
المتصل:.............
جود:الوووووووو نهى فينك
المتصل:الووو
جود:ايوه مين
المتصل:انت اللي مين
جود:انا صاحبة نهى هدا مو جوالها
المتصل:الا جوالها
جود:طيب مين انت
المتصل:انا خالها
جود:طيب هي فينها دحين
المتصل:هي نايمه دحين
جود:اوكي طيب لما تصحى قولها تكلمني ضروري
المتصل:اوكي
جود:.........
المتصل:..........مايصير تخليني انا نهى
جود:كيف يعني
المتصل:يعني تكلميني انا بدل نهى او الين ماتصحى بس
جود:....................
المتصل:كيفك انت ايش اخبارك
جود:........تمام
المتصل: الحمد لله
وقعد ياخد ويدي معاها في الكلام ويضحكوا ويتريقوا الين الفجر اذن الفجر وقال لجود بعد الصلاة اتصل فيك وقالت له جود طيب
وقامت جود وصلت وقعدت تستناه يتصل ودقايق الا الجوال "اغنية راشد الماجد هلي" كانت هي نغمة الجوال
جود:ايوه هلا
المتصل:اهلين صليتي
جود:ايوه صليت
المتصل:تقبل الله
جود:منا ومنكم
وقعدوا يدردشوا الا شويه الولد قال لجود ايش اسمك وجود ماردت عليه ردت له السؤال
جود:انت ايش اسمك
المتصل:انا اسمي وليد
جود:عاشت الاسامي
وليد:طيب كم عمرك
جود:انت كم تعطيني
وليد:18او19سنه
جود:لاحرام عليك كبرتني انا عمري 15سنه
وليد:العمر كله انشاء الله تبي تعرفي عمري
جود:اكييييييييد
وليد:انا عمري امممممم 25 سنه ادري بتقولي لي شايب
جود:ههههه
وقعد يتكلم مع جود ويضحك وسألها عن حياتها وهي كيف عايشة فقعدت تفضفض له وقالت له عن همها مع امها وعن المشاكل اللي دايم بين امها وابوها فحزن عليها وليد وعلى حالها مع انه كان حيلعب عليها زي اللي قبلها بس حسها بريئة وصادقة
وليد:تصدقي جود اتوقتك خاليه من الهموم قاعدة من اول تضحكي وتنكتي عبالي انت مرتاحة
جود:محد مرتاح في هادي الدنيا
وليد:والله صح محد مرتاح بس الحمد لله على كل حال
جود:وليد باين من لهجتك انك موسعودي صح
وليد:ايوه انا مو سعودي انا كويتي مقيم في السعودية انت سعوديه مو كذا
جود:ايوه سعودية
وليد:طيب متى حكلمك مره تانية
جود:ما ادري هادا مو جوالي هادا جوال ماما
وليد:انت ما معاك جوال
جود:لا مامعايه
وليد:طيب ماتقدري تاخدي الجوال مره تانية
جود:ما ادري بابا دحين مسافر عشان كده قدرت اخد الجوال
وليد:طيب جود حاولي "حس بشي غريب"
جود:انا راح احاول وادا اخذته حاتصل عليك اوكي
وليد:اوكي يالا انتبهي على نفسك باااااااااااي
جود:بااااااي
سكرت جود السماعة وهي مي مصدقة انها كلمت ولد كانت هادي اول مره تكلم فيها واحد وجاء اليوم التاني وقدرت تاخد الجوال وكلمته
ولمدة اسبوع وهي على دا الحال الين جاء ابوها جود حبت وليد ووليد حب جود موووووووووت حس ان قلبها ابيض وكبير
مر على جود يومين ماقدرت تكلم وليد فيها وفي اليوم التالت اخدت جوال اخوها حسام واتصلت عليه
جود:الوووووووو
وليد:ايوه مين >>>هي الين دحين ماقالت اسمها
جود:انا جود اللي كلمتني قبل كم يوم
وليد:مين جود انت اسمك جود
جود:ايوه اسمي جود عرفتني
وليد:ايوه اكيييييد كيفك ياقلبي وحشتيني مووووووووووت
جود: وانت كمان وحشتني
وليد:ياحياتي انتي
جود:.............>>>مي مصدقه معقولة حبني
وليد:طلعتي لك جوال
جود:لا هادا جوال اخويه
وليد:كذا تشغلي بالي عليك يومين ماتكلميني حرااام عليك
جود:ايش اسوي ماقدرت
ودردشوا مع بعض الييييييين الفجر وكملوا بعد الفجر الين الساعة10 الصباح بعدين راح كل واحد منهم ينام
على فكرة ترى وليد عايش في السعودية لوحده وهو واحد طيب وقلبه كبير ومن الوحده اللي عايش فيها كان يتسلى مع البنات بس ما كان يأذيهم ولا يأملهم ع الفاضي يعني يكلم وحده اليوم وبعدها خلاص وادا مره كان فاضي وطفشان يجرب كم رقم وادا طلعت بنت دردش معاها شوي بس جود لمى قعد يتكلم معاها حسها غير حس البراءة والصدق كلهم في قلبها وهي على طول قعدت تشكي له همها المسكنيه ماعندها احد تفضفض له
وليد حمد ربه انه لقي حياته جود وكتب هدي الابيات
قلتها لج من ظمير ...
انتي يا البدر المنير ...
انتي ياجود بحياتي ...
حبي الأول والأخير ...
لاقبلها ولابعدها دنيتي جود سعدها ...
لو بلف الكون كله ...
جود عندي شيء غير ...
إنتي قلبه مع عيونه ...
انتي عقله مع جنونه ...
انتي عنده شيء كبير ...
الله لايحرمج منه ...
والله لايبعدج عنه ...
وان بغيتي الصدق والله ...
قلبه بحبج اسير ...

جود صار كل تفكيرها في وليد صار هو كل حياتها مر على حالهم 4 اشهر وهما كدا مكالمات وضحك واحيانا زعل >>>>طبعا دلع من جود
وفي يوم من الايام ابو جود قالها اباك في هرجه وقلها يابنتي انت ماشاء الله صرت عروسة وحلوة وجود مي فاهمة
وقالها ابوها اتقدملك ولد عمك فهد وطلب ايدك وانا وافقت واعطيته كلمه
جود مي مصدقة كيف تتزوج واحد غير وليد مع انها كانت دايم تقول انه مستحيل تتزوج وليد اول شي عشان فرق الجنسية والفرق المادي وليد كان على قد حاله وهي بنت رجل اعمال قامت جود من عند ابوها وقفلت على نفسها غرفتها وهي بتموت من البكا
وفي الليل اتصلت على وليد وهي تبكي
جود:الو
وليد:هلا حبيبتي
جود:اهلين
وليد:ايش فيه صوتك انت تبكي
جود:وليد الحقني بابا حيزوجني ولد عمي وليد ايش اسوي
وليد:..........>>>>يقول في باله آه ياجود يعني مابتكوني لي
جود:وليد كلمني قولي ايش اسوي خلاص باب اعطى الرجال كلمه
وليد والدموع محبوسه في عيونه:جود ماادري ايش اقولك كنت اتمنى انك نصيبي بس ايش بيدي
جود:يعني خلاص راح اتزوج واحد غيرك وليد انا حبيتك انت بس وليد انا اموت فيك
وليد:والله حتى انا ياجود احبك واعشقك بس هادا النصيب الله يوفقك ويسعدك
جود: وليد لاتقول كدا نحنا لبعض
وليد:جود نحنا لازم نستسلم للقدر عشان نعيش
جود:يعني خلاص
وليد:الله يوفقك
سكرت جود السماعة وقعدت تبكي الين نامت اما وليد فكان منهار ومو شايف اللي حوليه وكان في بيته لحاله ويصرخ ليه كدا ليه كدا جوووووووووووووووووود وسمعه جاره وجاء يطمن عليه لقاه مرمي على الارض ومنهار اخده للمستشفى واطمن عليه كان عنده انهيار عصبي

مــــــا بــيــن
الرمش والدمعه وظلمة
من ســــــــــواد الليــــــــل
اشوف الموت يتقرب يعانق
زهــــــــــــره سنيــــــــــــني
اشوف الحظ يرميني على
شط العـــــــذاب بحيـــــــــــل كأنه لي الشقا مكتوب
كـأنه منــــــــــي و فيــــــــــــني

جود اتحطمت احلامها وليد اتدهور حاله ماعنده بهالدنيا الا جود وحتروح من بين ايديه وليد ترك شغله
وادمن ع الكازينوهات مع انه كان حتى تدخين مايدخن بس هادي الدنيا محد باقي على حاله
ومر شهر على خطوبة جود وهي ما زالت تكلم وليد يوميا هو كان يخفف عنها همومها وكان في كلمه دايم يقولها لحبيبته جود كان دايم يقولها مشي حالك حالك يمشي كان مايبين لها انه مهموم وتعبان علشان مايشغل بالها اكتر
وبعد شهر من الخطوبه ملّكت جود شافها خطيبها فهد اللي كان مغرم بها وهي مي طايقته واتحدد موعد الزواج وفهد صار كل يوم يجي بيت اهل جود ومره طلب من عمه انه يجلس ويتكلم مع جود بس هي مارضيت وابوها اصر عليها وراحت جلست معاه وقلها كيف تبغي البيت وقالت له اهم شي يكون لي غرفة خاصة
وافق فهد وسوى البيت على زوقه وسوى غرفة لجود باقي يومين على الزواج جود كلمت وليد وقالت له على الزواج انه اتحدد
ووليد قالها انه هو خلاص مسافر الكويت وما راح يرجع جود مي مصدقة وتقوله يعني ماراح اسمع صوتك بعد كدا
وليد قالها انا كل اللي مخليني هنا انت حبيبتي بس دحين خلاص انت ورحتي اتمنى لك السعادة جود اغمى عليها ومو قادرة تستوعب اللي بيحصلها اليوم الزواج ورحلت وليد
وليد الين دحين ماشاف جود كلمها قبل مايروح المطار الصبح وقالت له لازم اشوفك وراحت له المطار واتصلت عليه وقالت له على مكانها وشافت ولد وسيم اسمر كأنه تايه يدور على احد وهو شاف بنت قمر بيضاء جفونها حمره باين عليها التعب وطاحت عينهم في بعض جود ماقدرت تتماك نفسها وبكيت وراحت سلمت على وليد وليد مو مصدق ان حبيبته جود بين يديه مو مصدق انها سلمت عليه ماقدر يخفي دموعه اللي طاحت على خده مسحتها له يد الحنان يد حبيبته جود ولحظات حان وقت الرحلة صرخت جود وليد لالا لاتتركني احبك احبك احبك
ماقدر وليديشوف حبيته جود بهادا الحال واتأخر عن الطائرة الين اقلعت اخد جود في حضنه وكأنها طفلة صغيره بين يديه ورجعوا جود ووليد مع بعض في نفس السيارة ووقف وليد السيارة بعيد عن بيت جود بشويه عشان اهلها ما يشوفوه نزلت جود من السيارة وراحت بيتهم
الا تسمع صوت طااااااااااااط ورجعت وشافت سيارة صاير عليها حادث وراحت جري لمكان الحادث وهي تصرخ ولييييييد وقربت من السيارة وطالعت في وجه السواق طلع وليد انهارت جود واخذها الاسعاف هي ووليد للمستشفى وبلغوا اهلها وليد فارق الحياة جود ماقدرت تتحمل وجاتها جلطه في القلب وبعد اسبوع رحلت عن الدنيا وفهد خطيبها انهار وما صدق ان خلاص حبيبته جود راحت عاش حياة صعبه من بعدها ابو جود حس بالذنب امها اتمنت لو يرجع الزمن بيها وتقرب من بنتها وتعطيها كل اللي تتمناه لكن بعد ايش بعد مارحلت جود بعد قصة حب بريء وغريب

حب يبدأ غريب وينتهي في غرابه

:::::::::::::::::::::::::::::::::::::::::::::::::: :::::::::::::::::

إنشاء الله عجبتكم

عبادي

جميل تلك الكلمات رغم قصرها

فاضت روعة بجمال معناها

مشكور على مشاركتك

ودمت بكل خير

مشكوووووووووووور


ممدوح


مرورك اسعدني

مشكور عباادي

موضوع مره حلو شكرا