أبي أصير رجال عشان أحكم العالم ....!

موضوع للنقاش يعني بتكلم معاكم بصراحه
أبيكم تناقشوني ماأبيكم تدخلون وتقولون يسلمـــو
وتطلعون أبي أعرف رأيكم من غير تجريح
شوفوا الموضوع حســـاس شويه
يمكن راح نناقش ونتضارب ونتهاوش بع ـــد
وداعا للغة العربيه وأهلا بالعاميه < داخله حامي
بقولكم وش الموضوع
بصراحه أنا أحس بغرور وبشموخ
ليش الرجال الحين كل شيء بيده
والبنت لا ..... ؟
ليش هم يطلعون متى مايبون ويرجعون متى
مايبون وحنا لا ؟
كل شيء عالبنت عيب والولد عادي
الولد يشبك يغازل يكلم
يطلع يسوق سياره يتوظف وين مايبي
والبنت لا ؟؟
تيب بتقولون لي حرام
أدري إنه حرام
تيب ليش البنت ضعيفه ؟؟
بسألكم الحين الرجال لو يجي يمد يده
عالبنت ليش البنت ماتدافع عن نفسها ؟؟؟
بع ـــد حرام ؟؟
تيب إذا هو إستغل ضعفها وضربها بعد هذا مو حرام
؟؟؟
الحين أبي أفهم لما زوجي يمد إيده علي
< طبعا مثال بس
وأنا أعطيه طراق مثل ماعطاني
ليش يفضحوني الناس وأصير حكاية ألف ليله وليله
ليش الحين لو أحد يفكر يمد يده علي
وأخذ أقرب كوب أو أقرب شيء وأشق راسه
أطلع دفشه ؟؟
الحين أبي أفهم ليش البنت ضعيفه ليش
الرجال يسيطرون على العالم
الحين لو تزعل البنت على زوجها
منو يوديها لأهلها ؟؟
:
ليش مايصير عندها سياره متى مازعلت
ركبتها ليش تستعين بالرجال ؟؟
أبي أفهم ليش مانحط روسنا بروس الرجاجيل
ليش إذا البنت كانت عنيده وملسونه تصير منبوذه ؟
ليش إذا كانت قويه تصير على غلط ؟
ليش إذا دافعت عن نفسها تصير دفشه
وماعندها إسلوب
أبي أفهم متى أنطلق على العالم
متى أعيش الحريه
متى أنفجر وأطلع من الظلم
متى نطلع على العالم
متى نشوف الدنيا والكون
متى نتخلص من الدكتاتوريه
متى نحس بالديمقراطيه
تصدقون عاد اليوم جاني إحساس غريب
ودي ألبس ثوب أبيض
وشماغ وأطلع بالشارع
مستغربين
بتقوليون تشبه حرام ..........؟
تيب ليش البنات ينحبسون بين أربع جدران ؟
الحين حتى لو يرحون السوق لازم معاها
أخوها ولا أبوها ولا .....
يعني لازم بوديقارد ......!!
الحين لو أبي أشتري شيء مو قدامهم
وش أقولهم أطلعوا برى المحل بشتري ؟؟
الحين أبي أفهم متى نتخلص من العادات التقاليد
اللي مال أمها داعي
البنت لولد عمها الحين البنت مالها رأي ؟
مالها شخصيه ؟؟
الحين البنت هذي جماد ماعندها إحساس
ليش البنت ماتلبس على كيفها
وليش ماتسوق سياره وتدرس بأحسن الجامعات
وتروح بع ـــثه وتدرس بالخارج
وتتوظف بالمكان اللي تبي ؟
الحين أبي أفهم ليش الرجاجيل يتزوجون الحريم
يبونها مثل الخدامه
بس تشتغل وتنظف وتربي وهو أربع ــه وعشرين
ساعه من مجمع لمجمع ومن دوله لدوله
واللي بالبيت زينه ......؟
الحين روحوا شوفوا الزبداني من الخليجين
شلون ولا ليش الخليجين السعوديين تحديدا
شوفوا المغرب وتونس والحين أبشركم طاحوا بتركيا
أبي أفهم وش يدورون .....؟
من العياره يقولون ندور الجو والطبيعه
أتحداهم إذا يدورون الجو والطبيعه
ليش دايم البنت مظلومه بمجتمعنا
الرجال دايم مهملها وتاركها
لاتلومون المرأه لو فكرت بخشونه
لأنكم أنتم الي دفعتوها للشي هذا
تدرون ليش لأن عدم وجودكم تعودنا عليه
صرنا نقوم بدور المرأه والرجل بوقت واحد

:

الله يعينكم علي ويعيني عليكم
أدري بتنطون علي بس شوي شوي
النقاش مفتوح
وكل واحد يصلح سيارته قبل الحوادث
أبي أعرف وش رايكم بالكلام اللي قلته

ههههههههههههههههههههههه
هههههههههههههههه
هههههههههه
هههههههه
هههههه
ههه

<<الموضوع جد لا تضحك

>> مو على كيفي اضحك الموضوع يضحك

<< طيب رد على الموضوع وبس


>> خلاص ولا يهمك

ترانيمـْ السّـكُـونْ
في صراحه ما ادري وش اقولك

احس يبي يجيني شي طاير منك

يا كوب يا ريموت يا اي شي

بس انا ابي اقولك نقطه مهما

من صفات البنت : النعومه
ومن صفات الولد : الخشونه

يعني حنا غير وانتي غير
ولا تحطين راسك براس الشباب

واذا تبين شي معين

كل شي في الاسلوب يمشي

يعطيكي الف عافيه على الموضوع الجميل

ولي رجعه

لا تقولي يسلمو بذبحك
ترى متعقده هههههههههههاااي
:
إسمعني وريث أنا ماأقصد أني أبي
أحكم دوله
أو أبي أحكم عالم لكن ليش ننحرم حتى
من أبسط حقوقنا
إننا نعيش حياتنا بدون تحكم الرجل ..... !
يعني ليش الحين لازم نستعين بالرجل بكل
شيء
لو الوحده تموت ماتلقى أحد يوديها للمستشفى
غير الرجل
لو الوحده تتكلم لازم بإذنه لو تطلع
لازم يكون معاها لو تبي تعيش ماتقدر تعيش
من غيره هو اللي يصرف عليها وهو المسؤول
عنها هو ولي أمرها .... !
تيب الحين ليش لما يضربها ماتدافع
عن نفسها هذا الشيء اللي قاهرني
ليش هي ضعيفه ....؟
ليش ترضى بالإهانه ؟؟
ليش ليش ليش .......؟؟
ليش تقبل إنه يسافر ويتركها
ليش تشوف زوجها
يغازل قدام عيونها وماتقدر تسوي شيء
وإذا تكلمت بكل بساطه طلقها
وراحت تلملم عفشها ودخلت بيت أهلها
مخذوله ومكسوره
ليش أهل البنت لما تتطلق يلومونها ...؟
ليش الولد يطلق عادي بس البنت
لما تتطلق فضيحه يحشون فيها حش
وتصير حديث المجتمع
ليش العادات والتقاليد تخلي البنت
مثل الخدامه
ليش الولد مايساعدها ...؟
يعني بيطيح نصه لو قالت له شيء أخته
وقال حاضر
ولا دخل وساعدها بالمطبخ ؟
ولا بيتزلزل الكون لو أخذت شوية حريه
أبي أفهم ليش كل شيء بيد الرجل
ليش مايصير بيد حواء ؟؟
أبي أفهم بس الحين لو يجي رجال يضربني
ليش لو أضربه يتكلمون فيني ؟؟
أنا جربت جاء واحد بيضربني وضربته
بكوب الماي وسبحته
يومها صرت حديث العايله
عوبا وماتستحي ....؟
يعني الحين لما أدافع عن نفسي
أصير عوبا الحين ليه الرجال يدافع عن نفسه
ليش مايخلي حقه وحنا لازم نسكت
ليش حقوقا مهضومه
ليش مايتركونا على كيفها
ليش يتدخلون بكل شيء بحياتنا رغم
إننا مانتدخل بحياتهم ....؟
أبي أعرف ليش البنت ماتضرب الرجال مثل مايضربها
يلا جاوبني وريث ماراح أترك أما تقنعني أو أقنعك
أنت لو أحد يضربك بذمتك تسكت وتقعد
تتفرج عليه وهو يضربك ؟
حط نفسك مكاني شيء طبيعي عندي
إحساس وماأرضى بالإهانه والله
لأكفخه مثل مايمد إيده والله ماأخليه

يسلمو على المووضوع


انا اول اشوف موضوع زي كذا وخاصه من بنت


اعتبره موضوع غير طبيعي وخاصةً وجوده في منتدى محترم واعتبر هذا الموضوع تحريض

النساء على الرجال وعلى العادات والتقاليد لان التفكير الذي في بالك غير طبيعي
ولا اعتبر احد يفكر في هذا التفكير التافه انه يكون في كامل قواه العقليه انا اتمنى من الاداره والمشرفين حذف هذا الموضوع انا لا اريد الكلام في هذا الموضوع لاني محترم المنتدى



و لكم