قصه شاب

ولا عندي شهاداتٍ ولا حرفه تسد الحال **** ولا حظٍ كبيرٍ لاخطت الجره يقديها


مخابي الثوب تومي مادخلها من زمان ريال **** بها فاتورة الكهرب ولا يمديني اقضيها


على ذيك العراوي تتعب الحادي مع الجمال **** ثلاث شهور في الورشه وشهرينن مغطيها


ابيها لو تجمل يوم واجلبها على الدلال **** يجيها واحدٍ حظه مثل حظي ويشريها


نصيت العسكريه يوم قالوا للنظام رجال **** وقدمت الملف وصورتن متشخصن فيها


خذ الاوراق مني واحدٍ ماعند ابوه دلال **** سلوم الناس واهل المعرفه والطيب مخطيها


قراها في دقيقه والتفت عجلٍ علي وقال **** شهادتك العظيمه يا ولد وين انت مخفيها


هزيت الراس ماعندي تقول اني من البنقال **** وقمت احب خشمه واطلبه بالله تمشيها


حذفها من يده شين الطبيعه والنبا والفال **** وقال ازين تعود صوب نياقك تعشيها


تناوشته من الكرسي وعفت الحل والترحال **** وضربته بالبياله عقب ما خلصت شاهيها


خذوني للسجن لاني لا ظالم ولا محتال **** مجرد واحدٍ جا يكحل عيونه فيعميها


ويوم اني خرجت اقفيت لارض الله وسيع الجال **** على برن هواه يداوي العله ويشفيها


بلا كهرب ولا بيجر ولا غازٍ ولا نقال **** قوانين الحظاره لا تبي شوفي ولا ابيها


\

\
ههههههه


اتمنى تعجبكم ^_^


همس المشآآآعر